ដាវ លីដុឌ លើកទង់ជាតិកម្ពុជានិងមីយ៉ាន់ម៉ាត្រដាងឡើងបន្ទាប់ពីទទួលលទ្ធផលស្មើគ្នាជាមួយ ព្រំ សំណាង
ភ្នំពេញ៖ កីឡាករប្រដាល់ជនជាតិភូមាលោក ដាវ លីដុឌ បានលើកទង់ជាតិកម្ពុជានិងមីយ៉ាន់ម៉ាត្រដាងឡើង បន្ទាប់ពីប្រកួតជាមួយនឹងកីឡាករកម្ពុជា ព្រំ សំណាង បញ្ចប់នៅនាទីទី៩។
ការប្រកួតរវាងកីឡាករសញ្ជាតិភូមាលោក ដាវ លីដុឌ នឹងកីឡាករកម្ពុជា ព្រំ សំណាង បានរៀបចំនៅក្នុងរាជធានីភ្នំពេញនៅយប់ថ្ងៃទី៥ ខែវិច្ឆិកា ឆ្នាំ២០២៣នេះ។
បន្ទាប់ពីប្រកួតក្នុងរយៈពេល ៩នាទីដោយមិនអាចផ្ដួលគូប្រកួតឲ្យសន្លប់ឬបោះបង់ការប្រកួតបានយោងតាមលក្ខខន្តនៃការប្រកួត Mass fight នោះកីឡាករទាំងពីរទទួលបានលទ្ធផលស្មើគ្នា។
អ្វីដែលជាការកត់សម្គាល់បន្ទាប់ពីបានប្រកួតយ៉ាងស្វិតស្វាញរយៈពេល ៩នាទីជាមួយនឹងកីឡាករ ព្រំ សំណាង លោក ដាវ លីដុឌ បានលើកទង់ជាតិកម្ពុជា និងមីយ៉ាន់ម៉ា ចងភ្ជាប់គ្នាបង្ហាញឡើងទៅលើដែលបានបញ្ជាក់ពីមិត្តភាពនៃទំនាក់ទំនងរវាងប្រទេសទាំងពីរផងដែរ៕
